NG'WANAKANUNDO - MANJU MASHUHURI WA KISUKUMA KUTOKA MWANZA

Monday, December 21, 2009

UTAFITI: MA"BABY FACE" HUISHI MAISHA MAREFU ZAIDI

Mwanamuziki Kenneth "Babyface" Edmond (miaka 51)
  • Sote tunawafahamu. Wengine ni wanablogu wenzetu. Japo wana umri mkubwa lakini nyuso zao zinaonekana kuwa za kitoto. Hata wanapotuambia umri wao hatuwaamini na tunawabishia kwa sababu wanaonekana wangali vijana na kamwe hawalinganishiki na wenzao wanaodai kuwa nao sawa kiumri. Nyuso zao huwa zimetakata na ngozi zao nyororo zisizo na doa la chunusi wala mwonekano wa kuzongwa na maisha daima huonekana kung’ara. Huwa tunawaita ma“baby face”. Kwa Kisukuma watu hawa huitwa “bagidanamhala” kama ni wanaume au “bagidagiguluha” kama ni wanawake.

  • Katika utafiti uliofanywa nchini Denmark, wanasayansi wamethibitisha kwamba ma“baby face” huishi maisha marefu zaidi kuliko wenzao wenye nyuso zilizokomaa. Utafiti huu ulijumuisha jozi za mapacha wapatao 1,800 wenye umri unaozidi miaka sabini. Baada ya kuwapiga picha nyuso zao, makundi matatu ya watu tofauti tofauti ambao hawakujua umri sahihi wa mapacha hawa waliombwa kukadiria umri wao.

  • Baada ya miaka saba, mapacha walioainishwa kama ma“baby face” ndiyo walikuwa wakiendelea kuishi kwa wingi ikilinganishwa na wenzao wenye nyuso zilizoakisi umri wao kwa usahihi; na matokeo haya hayakuathiriwa na jinsia wala mazingira. Kwa hivyo, wanahitimisha wanasayansi hawa, kuwa na uso wa “kitoto” kunahusiana moja kwa moja na kuishi maisha marefu. Kwa habari zaidi kuhusu utafiti huu tembelea hapa.

2 comments:

  1. Wow topiki nzuri kaka yangu! Yaani umesema kweli.

    ReplyDelete
  2. Chacha o'Wambura a.k.a Ng'wanambiti!December 24, 2009 at 1:05 PM

    Dah! naona na wewe Prof. ni mgidanamhala kutokana na kuoangalia picha yako....lol!

    ReplyDelete

JIANDIKISHE HAPA

Enter your email address:

Delivered by FeedBurner

ASANTE KWA MAONI YAKO

Widget by ReviewOfWeb