NG'WANAKANUNDO - MANJU MASHUHURI WA KISUKUMA KUTOKA MWANZA

Friday, January 29, 2010

PARKING INAPOKOSEKANA WAKATI UNAPOIHITAJI SANA

  • Siku za Ijumaa saa tatu mpaka saa nne asubuhi huwa najitolea kufundisha hesabu watoto wa darasa la tatu. Baada ya darasa hilo Ijumaa wiki jana nilipita kwingine na nikafika chuoni karibia saa tano na nusu asubuhi.
  • Ngoma sasa ikawa ni kupata parking kwani kila mahali kulikuwa kumejaa na wakati huo huo darasa langu la Linguistics (tena la wanafunzi wa PhD) lilikuwa linaanza saa sita na dakika ishirini mchana. Hawa jamaa wa Idara ya Usafiri hapa chuoni huuza vibali vya kupaki vingi kwa kadri inavyowezekana bila kujali idadi ya parking walizonazo. Ukijidamka asubuhi unapata, ukichelewa ndiyo hivyo tena...usimlaumu mtu!
  • Hapa ni ghorofa ya nne (na ya mwisho) katika parking mojawapo. Nako kulikuwa kumejaa pomoni na hapa nimejibanza najaribu kusubirisha mtu atoke...

  • Hapa ni parking ile ile lakini kwa upande mwingine. Hapa kuna jamaa alikuwa anatoka kwa upande wa kulia. Alipotoka tu nilipaki na kutimka kwenda darasani. Nilifika nikiwa nimechelewa dakika tano huku nikihema kwelikweli. Kwa watu wanaojali sana muda, hili si jambo jema! Bahati nzuri nilikuwa na mfuko wangu wenye makabrasha na darasa lilikwenda vizuri. Kazi kwelikweli!

1 comment:

JIANDIKISHE HAPA

Enter your email address:

Delivered by FeedBurner

ASANTE KWA MAONI YAKO

Widget by ReviewOfWeb